DIVISIO

I.

DIVISIO

Apostolorum, Festum est, cuius mentio in Martyrologiis Bedae, Usuardi et aliorum, d. 15. Iulii, quo sc. Apostoli in

diversas orbis provincias profecti sint ac dispersi. Chron. Elwangense et Compilatio Chronol. A. C. 1291. Rex Romanorum Rodolphus obiit in Divisione Apostolorum. Dicitur Festum de Dispersione Apostolorum, apud Albert. Stadens. A. C. 1098. Quo respexit Paulin. Natali 9.

------ ------ Lux populis festiva cecurrit,

Quâ sanctus quondam caelo demissus ab alto

Spiritus ignito divisit sulmine linguas etc.

apud Car. du Fresne ubi de Festis.

II.

DIVISIO

panis aliorumqueve missilium, populo olim Romae ae CP. ubi fieri sit solita, videre est hîc passim, in vocibus Augusteon, Missilia, Panis, Sparsio etc. Ded et Divisiones, Natali die, factae nonnumquam. Marcian. in l. 23. D. de ann. leg. cum quidam Decurionibus divisiones dari voluisset die natalis sui; Divi Severus et Antoninus rescripserunt, non esse verisimile, testatorem de uno anno sensisse, sed de perpetuo legato. Ubi Divisiones sunt visceratio, crustula et mulsum, quae viritim convivis dividebantur, ut patet ex Inscr. quae Spoleti est: TRIB. MILIT. LEG. XV. APOLLINARIS. ET. LEG. V. MACED. HIC. LEGAVIT. TESTAMENTO. MUNICIPIBUS. HS. LXVI. G. MONET. UT. EX. REDITV. EIUS. SUMMAE. QUOTANNIS. VIII. IDUS. NOVEMB. NATALE. SVO. MUNICIP. EPULUM. ET. CRUST. ET. MULSUM. DARETUR. Item alia vet. Reatinâ. HIC ARCAE. AUGUSTALIUM. SE. VIVO. HS. SE. VIVO. DEDIT. XX. UT. EX. REDITV. EIUS. SUMMAE. DIE. NATALI. SVO. IIII. KAL. FEBRV. PRAESENTES. VESCERENTUR. ET. OB. DEDICATIONEM. STATVAE. DECURIONIBUS. ET. SEVIRIS. ET. IVVENIBUS. SPORTULAS. ET. POPULO. EPULUM. ET. OLEUM. EADEM. DIE. DEDIT. At Divisio, in Tabulario Lascarrensis Ecclesiae A. C. 1101. apud Marcan Hist. Benearm. l. 5. c. 10. pro examine est ferri candentis vel aquae calidae: vel sorte quavis. Nam et sors divisionem significat. Ioh. Saresberiensis Policratici l. 10. c. 12. et Petrus Blesensis de Praestigiis fortune, Sortilegi sunt, qui sub nomine fictae religionis---rerum pollicentur eventus quod genus sortes Apostolorum et Prophetarum et dividentium et inspectio tabulae appellatur, apud Car. du fresne in Glossario. De divisione pecorum in voce S. Sacris, vide supra ubi de Dissecandi ritu: uti de divisione ungulae in duas partes, munditiei in quadrupedibus olim notâ, in fra in voce Ungula.